في البداية احب اقول ان اللغة الأنجليزية مهمة جدا جدا لو كنت عايز تتعلم اي شئ ! ده غير ان الدروس والكورسات اللي هنرفعها هتكون باللغة الأنجليزية
طبعا لما نحب نتعلم لغة يبقي نتعلمها من اهلها , علشان كدة اقدملكم Misterduncan
مين ده ؟؟ ها ؟ ده بقي راجل ظريف كدة بيقدم سسلسلة دروس اسمها Learning English with Misterduncan
الكورس ده عبارة عن 88 حلقة متتخضش كدة ده الحلقة الواحدة في حدود 6 دقائق بس !!
ده غير انه بيتكلم بطريقة بسيطة جدا يفهمها طفل في KG !! و كمان اللي هو بيقوله بيبقي مكتوب زي الترجمة تحت علشان لو فيه كلمة مسمعتهاش كويس ! اظن بقي ملكش حجة ده غير انه هيظبطلك النطق
وتقدر تستخدم اي موقع للترجة زي google translate ترجمة جوجل علشان لو فيه كلمة جديدة تعرفها
وحضر نوتة او كراسة صغيرة سجل فيها الكلمات و المصطلحات او اي حاجة جديدة عليك
اهم حاجة الممارسة والتدريب و المواظبة اكيد اول مرة ركبت فيها عجلة وقعت لكن مع الوقت بتتمكن من العجلة وبتبقي سويق زي ما بيقولو !
ده غير انك ممكن جنب الكورس ده تنمي اللغة عندك عن طريق القراءة يعني مثلا ابدأ بقصص اطفال وبعد شوية خد مستوي اعلي وبعد شوية ممكن تقرأ روايات او قصص مصورة زي ميكي وتان تان بس انجليزي طبعا !!
وحاول تتكلم انجليزي قدر المستطاع وتتعامل مع اهل اللغة يعني مثلا لو انت مصمم او رسام ممكن تدور علي جروبات اهلها لغتهم الأنجليزية وطبعا مش شرط رسم او تصميم ممكن في اي هواية وده مش بس هيساعدك انك تنمي اللغة لأ ده كمان هيفيدك جدا في هوايتك وممكن كمان تدور علي دروس علي ال Youtube باللغة الأنجليزية تتعلم منها هوايتك عن طريق
الجملة السحرية " How to .. " تستخدم الجملة دي وجنبها الدرس اللي انت بتدور عليها يعني لو رسم يبقي how to draw
الكورس مرفوع علي اليوتيوب علي القناة الرسمية ل Misterduncan
اللينك
https://goo.gl/53Fhia
تم كتابة المقال بواسطة : Hatem Ramadam